طريقة تفعيل حسابك علي paypal بكل سهولة في مصر

السلام عليكم و رحمة الله و بركاته

موضوع اليوم عبارة عن مشكلة الباي بال الي عان الكثير منها خصوصا احنا كمصريين بكل بساطة و بدون تعقيد
الحل في حاجه بسيطة جدا...
هنستخدم بطاقة البريد المصري Family
انا شخصيا جربتها و قمت بتفعيل الباي بال بكل سهولة
طيب اعمل ايه عشان اجيبها؟
خد البطاقة و صورة للبطاقة معاك
كل الي هتعمله هتروح مكتب البريد الرئيسي الي عندكم و بعد كدا هتطلب منه فيزا Family قوله عشان النت هي تكلفتها 30 جنيه بس هيديك استمارة تملاها مش هتاخد 3 دقائق و بعد كدا هيديك الفيزا و يديك رقم تتصل بيه عشان تقول له يفعل لك الفيزا و طبعا تكون مجهز الفيزا و البطاقة قبل ما تتصل عشان هيسئلوك علي تفاصيلهم و بعد نص ساعة او ساعة بيكون تم تفعيل البطاقة و بكدا تروح تشحنها ب 100 جنيه من اي مكتب بريد و تبدا بقي باستخدام الفيزا في اي حاجه علي الانترنت بيع شراء ربط بحساب باي بال ايضا
ملحوظة: بمناسبة الباي بال بعد ما هتدخل بيانات الفيزا علي الباي بال هيطلب منك تاكيدها عشان يتاكد انك صاحب الفيزا و كدا فيخصم مبلغ من الفيزا لحين ما تتصل بنفس الرقم الي ادهولك في البريد و فعلت الفيزا منه هتتصل بهم ووتطلب منهم الكود المكون من اربع ارقام الي وصل لهم من الباي بال و تاخده و تضغط علي الفيزا الي ربطها و تدخل الكود و مبروك عليك كدا انت بطاقتك شغالة ع الباي بال 100%
 ارجوا اكون وضحت كل حاجه و اي استفسار انا يسعدني الاجابة عليه

Unknown

11:47:00 م

اقرأ المزيد